Police pakhat leh Special Police Officer pakhat, Kathua pawngsual thubuaia man te chuan CBI te thil awmdan chhui nawn tir tura thupek siam turin Jammu and Kashmir High Court an ngen

0
316
views

Police pakhat leh Special Police Officer pakhat, Kathua pawngsual thubuaia man te chuan CBI te thil awmdan chhui nawn tir tura thupek siam turin Jammu and Kashmir High Court an ngen. Heng police pahnihte hi Kathua hmuna hmeichhe naupang kum 8 mi pawngsual a nih \uma, sulhnu pawimawh te ti chingpena puhin man an ni a, anmahni puhna chu thil dik lo nia sawiin, State Crime Branch thil chhui dan chu hnawla, CBI chhui tir turin High Court hi an ngen a ni. Sub Inspector Anand Dutta leh Special Police Officer Deepak Khajuria te hian hmeichhe naupang ruang post mortem result leh forensic report ah te thil inpersan tak tak a awm niin an sawi a, crime branch thil chhui dan chu a dik lo niin an sawi. Hmeichhe naupang ruang hi January ni 17 khan Kathua ramhnuaiah hmuh chhuah a ni a, January ni 23 khan state sorkar chuan he thil thleng chhui hna hi crime branch kutah a hlan a, Special Investigation Team in chhui zui lehin mi 8 man an ni a, an zingah hian heng police pahnih te hi an tel a ni.