Ram pum huap inthlanpui liamta \um li-a thubuai nei candidate tam dan enin he thupek hi supreme court hian a siam a, political party te hian candidate an puan a\anga darkar 48 chhungin an thubuai neih laite chu an puangzar tur a ni a, Election commission ah darkar 72 chhungin kimchang takin an thehlut tur a ni bawk.
Candidate tur thlan chhuah danah a tling thei tur ringawt thlir lovin, an phu em tih thlir tel tur a ni tih Court hian an sawi a, political party ten hei hi an ti puitling thei lo emaw, Election Commission lamin a kengkawh thei lo emaw a nih chuan court zah lohna, Contempt ah ngaih a ni ang tih Supreme Court Judge te chuan an sawi.
September 2018 khan judge panga awmna bench chuan thubuai lian zual neiten inthlanna an chuh theih lohna tura dan siam turin sorkar laipui chu thurawn a lo pe tawh a ni.
