Rakhine chungchang Advisory Board member, Bill Richardson a bang

0
609
views

Rohingya Muslim-te buaina chungchanga thurawn pe tura Myanmar sorkar-in a din, Advisory Board-a tel ve, US palai, Bill Richardson chu a bang a, he Advisory Board, member 10 awmna hi a hming chauha siam nia sawiin, Myanmar civil sorkar hruaitu, Aung San Suu Kyi chu dikna \an tawk lo leh hemi kawnga hruaitu \ha ni lo-in a sawi a, he board hi Myanmar sorkar hming tih\hat tumna chauh nia a hriat thu pawh a sawi a ni. Richardson hian Thawh\anni khan Board member-te’n Pi Suu Kyi an kawm thu leh, Reuters aiawh pahnih, sorkar-in a hren chungchang a sawi chhuah avanga Suu Kyi a thinur thu te, hemi chungchang hi Advisory Board-in a sawi ve tur a ni lo tihte pawh Suu Kyi hian a sawi niin a sawi. Puan tawh angin Rakhine biala Rohingya Muslim-te chungchang chhui chian tum, Reuters hnathawk mi pahnih, Wa Lone leh Kyaw Soe Oo chu thla hmasa ni 12 khan police-ten an man a, Rakhine chungchanga sorkar thuruk inziahna lehkha pawimawh an kawl avanga man an nih thu leh, ram danpui bawhchhiat chungchangah an lakah thubuai siam a nih thu, police-te chuan an sawi a ni. Bill Richardson hi Bill Clinton-a sorkarah khan energy secretary a ni a, UN-a US palai pawh a ni tawh a ni.