Ram chhunga University-te tihhmasawn nan sorkar laipuiin University 20 hnenah cheng vbc. 10,000 a pe dawn

0
319
views

Ram chhunga University-te tihhmasawn nan sorkar laipuiin University 20 hnenah cheng vbc. 10,000 a pe dawn. Vawiin khan PM, Narendra Modi-a’n he thu hi Patna University kum za tlin lawmna a hmanpuinaah a puang a, khawvela University \ha zual 500 zingah India rama University pakhatmah a lan loh avangin, sorkarin University-te tihhmasawn nan theihtawp a chhuah dawn tih a sawi. Pu Modi-a chuan sorkar laipuiin Private University 10 leh sorkar University 10 chu khawvela University \ha zual zingah hlan kai a tum tih a sawi a, IIM-te pawh khuahkhirhna emaw, zalen lohna emaw an neih apiang hlih a, nasa taka tihhmasawn a nih tur thu sawiin, University-te pawh hetiang bawk hian chawi kan a ni ang, a ti bawk. Patna University kum za tlin lawmna inkhawmah hian PM hian darkar chanve chuang hret thu a sawi a, zir dan hlui kalsan a, phur tak leh thiam taka lehkha zir thei tura zirlaite rilru chawh thawh leh tihphur a \ul thu a sawi. Bihar CM, Nitish Kumar-a’n Patna University hi Central University-a siam a dilna pawh chhangin PM chuan, Central University dinhmun hi thil hlui a ni mah mah tawh zawk a, hei aia \haa siam hi sorkarin a tum a, Private University 10 leh sorkar University 10 chu khawvela University \ha zual zingah hlan kai a nih theih nan cheng vbc. 10,000 ruahman a ni ang, a ti a, hengte hi PM emaw, CM emaw, mi pawimawh dangin emaw thlang lovin, an phu dan leh an dinhmun enin mi thiamten an thlang ang a, hei hi Patna University pawh hian chuh thiam se a \ha ang, a ti bawk.