Central YMA hnuaia Supply Reduction Service Batch 5 nate ruihhlo man, Rs 16,451,110 hu chu Central YMA President, Pu Lalbiakzuala’n vawiin chawhnu khan Central YMA pisa kawtah a halral. Ruihhlo hal hmaa inkhawm tawi neihah Pu Lalbiakzuala chuan, SRS te hian ruihhlo man lo se, \halai tam takin an thihpui dawn avangin YMA-in tha thlah lova ruihhlo do zel a ngai a ni tih a sawi. Pu Lalbiakzuala chuan, ruihhlo dona atan hian Core Committee din a nih thu a sawi bawk.
Ruihhlo an hal ralte hi Heroin No. 4 Hawng 113, Can 1007 leh Bagha Cap 396 leh chhin sen 73, Alprozelam Strip 348, Ganja Kg. 24.3, Pseudoephedrin KG 55, Parvon (mum) 56 leh Khuh damdawi bur 3,393 a ni a, hemi kaihhnawihah hian mi 590 man an ni a, Home-ah 19 an dah bakah Police leh Excise-a hlan 10 leh Counselling neihpui 271 an nei a ni. Central YMA hnuaia ruihhlo dotu pawl, SRS hi kum 2015 April khan a Batch hmasa ber din a ni a, din a nih a\anga ruihhlo an man leh vawiina hal ral hlut zawng hi Rs 1,40,252,295 vel nia chh<t a ni.
