Coronavirus kai zingah mi 2,293 an thi tawh a, darkar 24 chhungin mi 3,604 case thar hmuh belh a ni a, mi 87 an thi tih Union Health Ministry-in a tarlang.
Maharshtra chu coronavirus kai awm tamna ber state a la ni zel a, ni 6 chhung a zawnin case thar 1,000 zel awm anga chhut a ni a, vawiin khan natna hri kai thar 1,230 hmuh belh an ni leh a, heng mite nen hian mi 23,401 kai an awm tawh a ni.
Gujarat-ah chuan mi 8,541 hri kai awmin mi 513-in an thihpui a ni.
Tamil Nadu-ah pawh ni khat chhungin case thar 798 hmuh belh a ni a, an state pumpuiah mi 8,002 hri kai an awm tawh tih Union Health Ministry chuan a tarlang.
Ram chhunga coronavirus kai zingah za zela 31.73 enkawl dam an ni a, enkawl dam zawng zawng chu mi 22,455 an tling a ni.
World Health Organization chuan ram \henkhat inkharkhip hlip an awm tawh a, hei vang hian coronavirus chu a \aidarh nawn leh thei a, coronavirus thawh hnihna a thlen theih vangin khawvel ram hrang hrangte chu fimkhur tawpkhawka fimkhur turin a chah a ni.
