Ramchhunga Bullet Train hmasa ber bunna tur hawng dawn

0
429
views

Ram chhunga rel chak chi, bullet train hmasa ber bunna tur project chu Gujarat-a Ahmedabad-ah naktuk hian PM Narendra Modi-a leh Japan PM, Shinzo Abe-a’n an hawng dawn a, Indian Railways leh Japan rama company, Shinkansen Technology thawh dunna tur project hian ram chhunga rel kawng rim lutuk chu a chhawk zangkhai beisei a nih bakah, inkalpawhna lamah hmasawnna a thlen beisei a ni. He project thawh khatna tihhlawhtlin nan hian cheng vbc 1,10,000 vel sen a ngai dawn nia hriat a ni a, Japan chuan project pumpui senso zaa 81 vel chu pung awmin India a puktir dawn a, hei hi kum 50 chhunga rulh tura ruahman a ni. Bullet train-ah hian mi 750 vel an chuang thei ang a, Ahmedabad leh Mumbai inkarah ni khatah vawi 70 vel a kal hman dawn nia sawi a ni a, darkar khata km 250 vela chaka tlan \hin tura ngaih a ni. Hetiang rel hi darkar khata km 320 vela chak pawhin a tlan thei a, India rama rel chak ber let hnih velin a tlan chak zawk a ni.