Roreltu paih thlak tawhte party hruaitu nih leh theihna dan Pakistan-in ngaihtuah dawn

Pakistan rama roreltu, paih thlak tawhte political party hruaitu nihtir theihna dan thar chu kar lehah Parliament, National Assembly-ah buk a ni dawn a, pawm a nih chuan PM bang ta, Nawaz Sharif-a pawh rorel lai, Pakistan Muslim League-Nawaz hruaitu a ni chhunzawm leh thei dawn a ni. Kum 67 mi, Pu Sharif-a hi Supreme Court-in PM a nihna a\anga bang tura a tih avang khan party hruaitu a nihna pawh hlihsak nghal a ni. Pakistan Senate chuan tun thla ni 22 khan he dan thar, Electoral Reforms Bill, 2017 hi a lo pawm tawh a, he bill hian Pakistan mipui zingah civil service hnathawk tih loh chu party-a dinhmun sang leh hruaitu nihna chelh a phal dawn a, Climate Change Minister, Mushahidullah Khan-a chuan bill hi kar leh Thawh\anni khian National Assembly-ah put luh a ni dawn tih sawi a, House-ah hian PML-N member an tam ber avangin pawm a nih rin a ni.