Russia-a intihhlimna hmunah kangmei chhuak, mi 64 thi

0
362
views

Russia ram Kemerovo-ah sumdawnna hmun, intihlimna hmun nibawk a kang a, mi 64 an thi. Mitthi zinga a tam zawk hi naupang an ni tih Russia thuneituten an sawi a, mitthi te bakah hian midang 10 chu an chin hriat lovin an la bo bawk. Kangmei hi chhawng chunglam a\anga in\an a ni a, mitthi tam zawk hi cinema hall-a awm te an ni. Social Media-a video post \henkhatah chuan in chhawng sang a\anga mahni in chhan him tuma zuang thla te hmuh tur a awm a ni. Russia Investigative Committee sawi danin cinema hall chung hi hmun hnihah a chim a, kangmei chhuah chhan hi hriat chian a la ni lo a, thuneituten an chhui chiang mek a ni. Helai bialtu Deputy Governor Vladmir Chernov chuan kangmei chhuah \anna hi naupangte intihhlimna hmun pakhat Trampoline Room a\anga in\an a ni tih a sawi a, sawi dan pakhatah chuan naupang pakhatin lighter hmanga trampoline rubber a hal chu silai zen ang maiin a kang ta thut a ni. Russia Commissioner for Child Rights Anna Kuznetsova chuan fimkhur loh vanga kangmei hi chhuak nia sawiin, a dem thu a sawi nghal a, intihhlimna hmun dangte pawh en dik nghal vek a phut tih a sawi. Kangmei chhuahna hmunah hian rikrum thila chhanchhuah hna thawktu mi 660 velin chhanchhuah hna an thawk a, kang\helh pawlte chuan darkar 17 chhung zet an beih hnuah kangmei hi an \helh mit thei chauh a ni.