Stormy Daniels-in vauna a dawng tih sawi

Puitling film chang \hin Stormy Daniels i’n kum 2006-a Donald Trump-a nen an mut dun thuah ngawi tura vauna a dawng tih a sawi. CBS News in a kawmna ah Stormy Daniels hian kum 2011 khan Las Vegas-a lirthei dahna hmunah mi pakhatin amah chu biain Trump-a chu ti buai lo turin a vau tih a sawi a, a bula a fanu ding ve melh pahin, chu pa chuan ‘a nu chungah thil \ha lo tak a thlen palh chuan a pawi dawn mang e’ a ti niin a sawi. Trumpa erawh chuan he nu nen hian inlaichinna an nei lo niin a \ang ve thung a. a dan hremi te chuan intih hmingchhiat manah dollar maktaduai 20 chawi turin Stormy Daniels hi an khing a ni. Stormy Daniels hi a hming tak chu Stephanie Clifford a ni a, milar te tana golf tournament, Lake Tahoe California-a buatsaih a nih \um, kum 2006 khan hotel pindan pakhatah Trump-a nen hian an lo mu dun tawh niin a sawi a. Hei hi Trump-a leh Melanie Trump te kum 2005-a an inneih tawh hnu a ni.