Russia-in a awp mek, Crimea-a Kerch khawpui college-ah zirlai pakhatin silaiin a zirlaipuite a bei a, mi 18 an thi.

0
503
views

 

Thuneitute chuan pawikhawihtu hi kum 18 mi, Vladislav Roslyakov a ni tih an sawi a, nilaini chawhnu lamah khan silai nen college-ah hian a kal thu leh amah pawh a inkahhlum ve nghal thu an sawi a ni. He College-a thawk leh zirlaite chuan silai hmehpuah a nih hma hian bomb eng emaw zat a puak tih an sawi a, thi zingah hian bomb-in a per vanga thite pawh an awm tih an sawi bawk. Russia President Vladimir Putin chuan thil thleng hi chhui chian ngei a nih tur thu a sawi tawh a ni.