Ei ruk avanga tang mek, VK Sasikala-i’n tan inah duhsak a hlawh bik nia sawitu, IPS Officer, Roopa D Moudgil chu tan in hotu, Director General of Police (Prisons) hlui, HN Sathyanarayana Rao-a’n amah timualpho-ah puhin a lakah thubuai a thehlut. Rao-a chuan a thubuai-ah hian Roopa-i bakah hian chanchinbu pakhat leh TV channel pakhat hming pawh a telh a, mipui hriata ngaihdam dil turin a phut a ni. Sasikala-i hian tang dangte aia nuam zawka a khawsak theih nan Rao hi thamna, cheng vbc 2 a pe niin Roopa-i hian a lo sawi tawh a, video thlalak pawh tihchhuah a ni bawk a, hetah hian Sasikala hi Parappana Agrahara Central jail-a a vei vel lai tihlan a ni a, mi tang thawmhnaw inbel lovin, a duhzawngin a inthuam a ni. Hemi hnu lawk hian a hna a\angin sawn nghal a ni a, Traffic and Road Safety Commissioner-ah dah a ni a, a puhna pawh hi Rao chuan thu dik lo niin a sawi a ni.
Roopa-i hi officer huaisen leh hlauh nei lo tak a ni a, Madhya Pradesh CM, Uma Bharti pawh a lo man tawh a, mi pawimawh zualte vengtu atana dah, Police engemawzat pawh a lo hn<k kir tawh bawk a, Karnataka CM hlui, BS Yediyurappa-a hun lai pawh khan CM zuitu Police motor engemawzat chu a hn<k kir tawh bawk a ni. Kum 2000-a UPSC exam-ah khan 43-na a ni a, an training laiin 5-na a ni a, hnathawk \ha chawimawina, President’s Police Medal for Meritorious Service pawh a dawng tawh a ni.
Chanchin Thar Sasikala-in taninah duhsak a hlawh bik nia sawitu IPS officer lakah thubuai...
