Kumin July thla khian Haji sakhaw hmun tlawh hun runpui neih a ni dawn a, Saudi Arabia sorkar khapna hi hemi hun thleng hian kenkawh a nih dawn leh dawn loh hriat theih a la ni lo a ni.
Italy-a Lombary bial Governor, Attilio Fontana chuan coronavirus a kai tih a taksaa an finfiah vangin kar hnih chhung a inkhung hrang dawn tih a sawi.
Lombardy hi Italy-a coronavirus lanchhuah hmun niin tun dinhmunah mi 400 vel kai an awm tawh a ni.
Parasite director, Bong Joon-ho leh lemchan thiam, Song Kang te chuan Korea Disaster Relief Association-ah coronavirus kaite \anpuina tur sum US Dollar maktaduai 82,360 an hlan a ni.
Khawvel pumah mi 80,000 velin coronavirus hi an kai tawh anga chhut a ni a, ram 40-ah a \aidarh tawh bawk a ni. Australia chuan China a\anga an rama lut tur te dan chu a kalpui chhunzawm zel a, Europe ram \henkhatah pawh natna hrik kai thar hmuh belh zel an ni bawk.
