Saudi Arabia in hmeichhiate lirthei khalh a phalsak ta chu hmeichhiate tana thil lawmawm tak anih rualin, mipate rilru erawh a la danglam nep hle

0
437
views

Saudi Arabia in hmeichhiate lirthei khalh a phalsak ta chu hmeichhiate tana thil lawmawm tak anih rualin, mipate rilru erawh a la danglam nep hle.

Soudi Arabia hian September thla khan kum 10 vel zet hmeichhiate lirthei khalh khapna chu tih tawp tur tih thupek siamin, hei hi Pathianni a\ang khan a taka hman \an a ni ta a, social media ah te hmeichhiain lirthei an khalh lai thlalak a darh nasa nghal hle a, Muslim kulmuk rorelna ram anih avangin, Pathianni-a a tak ram lo thleng ta pawh mi tam tak tan chuan rinngam harsa hial khawpa mak a ni a, Riyadh khawpuiah chuan hmeichhe lirthei khalhte chuan makti taka thlirzui an hlawh a ni. Hetianga hmeichhiate lirthei khalh phalsak an ni ve ta hi a bikin \halai lam ten \ha an ti hle a, chutihrualin deuhsawhna leh mawi lo taka chhaih nawmnah an tawh an hlauh thu hmeichhe \henkhat chuan an sawi a, social media lamah pawh hmeichhe lirthei khalh ten an sut hlum lohna turin mipa tan in lama tawm reng a \ha tih ang chi te thu post a tam hle.