Harley Davidson-in an hloh tur hum tumin US pawn lama motor cycle siamchhuah a tum thu a puang

0
458
views

US President Donald Trump-a’n ram pawn a\anga Steel leh Aluminum lakluh a\anga chhiah a tih pun beihlet nana Europe ram ten chhiah lak tihpun ve an tum avangin US Motor Cycle siamtu lar, Harley Davidson chuan an hloh tur hum tumin US pawn lama motor cycle siamchhuah a tum thu a puang a, hei thu hian a barakhaih hle tih Donald Trump-a chuan a sawi ve nghal.

Hei hi Donald Trump a’n US dah pawimawh hmasak ber a tumna nia sawi, chhiah chungchanga a hmalakna in a hrin chhuah hmalakna lian tham hmasa ber a ni a, Wall Street stock market pawh nasa takin a nghawng nghal a ni. European Union chuan kar kalta khan US lakah hian chhiah engemawzat an tisang a, heng zingah hian Harley Motorcycles pawh hi a tel a, hei bakah hian Florida in serthlum tui a thar chhuahah te, North Carolina in vaihlo a thar chhuah leh Kentucky zu siam chhuah bourbon ah te pawh chhiah hi an tisang a ni. Donald Trump-an Aluminium leh steel a\anga chhiah a tih pun beilet-a European Union in chhiah an tihsan ve tak avang hian chawhrualin Harley Davidson motorcycles man chu Dollar 2,200 zelin a to phah dawn a, hei hi an company kal chhoh zelna tura harsatna siam thei anih avangin ram danga motorcycle siam chhuah hi an tum ta tih company in securities and Exchange Commission-a thu a thehluhah tarlan a ni.