Singapore acting President atan JY Pillay ruat

0
318
views

Singapore President 7-na, Tony Tan Keng Yam-a hun chu a tawp tawh avangin, tun thla ni 23-a President thar thlan a nih hmaa a aiawh turin, India mite thlah, kum 83 mi, JY Pillay-a chu President lailawk atan ruat a ni. Singapore President thurawn petu pawl, Council of Presidential Advisers chairman, Pillay-a hian tun thla tawpa President thar lak luh a nih hma chu President hna hi a chelh dawn a, he inthlanna chuh tumte tana hming pek luh theih hun chu tun thla ni 13-a a tawp hunah, candidate pakhat chauh a awm erawh chuan President thar hnenah hian a nihna a hlan a ngai dawn a ni. Chanchinbu pakhat sawi danin, Singapore President pisa hi a ruak a nih chuan, CPA Chairman chu President lailawk atan ruat thin a ni a, Chairman hi a hman lo emaw rokhawlhna a awm emaw a nih chuan Parliament Speaker-in a luah thin a ni. Kum 1993 hma lamah kha chuan Singapore President hi Parliament-in a thlang thin a, amaherawhchu kum 1991-a Singapore ram danpui siam that a nih khan, President hi mipuite thlan tura tih a ni a, tun hi hetiang kalphung hman a nih hnua President pisa a ruah vawi khatna a ni.