Somalia-a bomb puakah mi 300 chuang an thi

0
321
views

Somalia ram khawpui, Mogadishu-ah bomb pahnih tihpuah a nih avangin mi 300 chuang an thi a, mi dang tam tak an hliam. He thil thleng hi kum 10 chhunga he rama thil thleng rapthlak a ni a, vawiina sorkar hotute sawi danin, hliam an tam avang leh, ruang ngaihven an pun khawm nasat avangin a khat nuai nuai a ni. He thil thlen hun hi Inrinni tlai lam kha a ni a, khawpui laili-a hmun lun laiah bomb hi tihpuah a ni a, he khawpuia Ambulance service Director, Abdikadir Abdirahman-a chuan, chin hriat loh an la tam avangin thi zat hi an la pun rin a nih thu a sawi. Madina hospital-a thawk, Dr Aden Nur-a chuan, an damdawi ina thi an chhinchhiah pawh 258 niin a sawi a, an zinga 160 chu tu an nih pawh hriat theih loh khawpin an chhe nasa tih sawiin, niminah khan sorkar bul tuma phum an ni tih a sawi. Hliam \henkhat chu thlawhna-in Turkey panpui an ni a, he pawi khawihna rapthlak tak, kum 2007-a Islam mi firfiak pawl, Al-Shabaab-in pawi an khawih \an a\anga rapthlak bera ngaih hi eng pawl mahin an tihah an la chhal lo a, he pawl hi Al Qaeda nena inzawm an nih avangin rinhlelh kai ber an ni. He pawl hian Somalia rama UN leh African Union thlawp sorkar chu an do a, Islam sakhaw dan khauh taka rorel an duh a ni.