Sorkar hnathawk kaisanna-a SC leh ST te duhsak bikna chungchang thubuai lutah thupek lailawk siam tura central sorkar ngenna Supreme court in a hnawl

0
583
views

Chief Justice Dipak Misra kaihhruai bench hian kum 2006-a judge pasarih awmna constitution bench in thutlukna a lo siam tawh chu ennawn hmasak phawt a \ul tih a sawi a, Central sorkar aiawha court-a ding Attorney General KK Venugopal chuan SC leh ST te duhsak bikna ti danglam tura mi \henkhatin thubuai an thehluh avang hian Railway service a mi nuai chuangte kaisanna tur chu ngaihtuah theih a ni lo a, rang taka chinfel a \ul a ni a ti.

Supreme Court chuan hemi chungchang hi thla thar hapta khatna ah lo chuan ngaihtuah hman a ni dawn lo tih a sawi. Nikum November thla khan Supreme Court chuan kum 2006-a Constitutional bench in thutlukna a lo siam tawh chu a \ul anga ennawn a ni ang tih a lo sawi tawh a, kha thutlukna ah khan hnam hnufual zinga tel ve si, mi hausa leh hmasawn tawh creamy layers tia sawi ten duhsakna an chan ve zel titawp tura ngenna chu a taka hman theih a ni lo tiin Supreme Court chuan thutlukna a lo siam tawh a ni.