Sorkar laipui chuan ram danpuiin mihring dikna leh chanvo a pek te chu dan lo-a ram chhung lo lutte a huam ve lo tih Supreme Court a hrilh

0
326
views

Sorkar laipui chuan ram danpuiin mihring dikna leh chanvo a pekte chu ram pawn lam mite tan pawh phalsak ni mah se, dan lo-a ram chhung lo lutte a huam ve lo tih Supreme Court a hrilh. Sorkar laipui thuchhuak hi Court sang bera Rohingya Muslim raltlan pahnihin Myanmar-a thawn kir rih loh an ngenna chhanna a ni a, puan tawh angin, sorkar laipuiin Rohingya raltlante hi thawn kir a tum laiin, raltlan pahnih, Mohammad Salimullah leh Mohammad Shaqir chuan an rama tihduhdah an tuar avanga raltlan an nih thu leh an sahimna zawnga ramri k^n an nih avangin, UN-a inziak lut ramten mihring dikna leh chanvo humhalh chu an bat a ni tih sawiin, sorkar thutlukna hiCourt sang berah hian an thlen a, hei hi Home Ministry chuan a chhang a, ram danpuiin ram pawn mite hnena dikna leh chanvo a pekte hian dan ang thlapa ramri k^nte chauh a huam niin a sawi.