Assam thla khat dang ram buaiah puang

0
456
views

Sorkar laipuiin Assam pumpui chu ram danpui hnuaia sipaite hnena thuneihna sang zawk pekna dan, Armed Forces (Special Powers) Act tlawhchhanin, thla khat dang ram buaiah a puang a, Assam leh Meghalaya inrina bawr bakah Arunachal Pradesh-a district pathum chu thla hnih dang ram buai-ah a puang bawk. Home Ministry chuan thuchhuah siamin, pawi khawihna thlengin ziaawm lam a la pan loh vangin Assam pumpui chu tun thla ni 3 atanga ni 31 thleng ram buaia puan a nih thu a sawi a, hetih rual hian Assam ramri bula awm, Meghalaya-a bial pakhat, km 20-a zau chu hel hovin an beih fo vangin tun thla ni 3 atanga September ni 30 thleng ram buaia puan chhunzawm a ni dawn tih leh Arunachal Pradesh-a district pathum – Tirap, Changlang and Longding pawh tun thla ni 4 atanga September ni 30 thleng ram buaia puan a ni tih a sawi a ni. Home Ministry thuneitute chuan nikum chhung khan Assam-ah hian tum 75 vel tharum thawhna a thlen thu sawiin, mi 33 vel an thih thu leh midang 14 ruk bo an nih thu an sawi a, state-ah hian kum 1990 atang khan AFSPA hi hman a ni tawh a ni.