Zawng chi khat Orangutan, kut zai zira mi be thiam, Chantek a thi

0
578
views

Zawng chi khat, Orangutan an tih ang chi, kut zai zira mi be thiam, Chantek-a chu US-a Georgia state khawpui, Altlanta-a sahuan, Zoo Atlanta-ah kum 39 mi niin a thi.

Chantek-a hi zawng zinga kut zai zira mi be thiam tlemte zinga mi a ni a, Georgia-a Zawng chanchin zirna hmunpui, Yerkes National Primate Research Center-ah piangin, University of Tenessee-a zir mi mithiam, Lyn Miles bulah kum 9 chhung a khawsa a, hemi chhung hian inchhung tih fai leh hmanraw hrang hrang hman dan a zir hman a ni. A thih chhan tak hi hriat la ni lo mah se, Chantek-a hi lung natna nei a ni a, Zoo Atlanta vety doctor-te’n hun eng emaw chen an lo enkawl tawh a ni.