Sorkar laipuiin computer data te zirchian leh a \ul anih chuan man pawh phalna a tih chhuah hnu lawkah National Investigation Agency NIA chuan ISIS thuthlung vuantu mi 10 an man a, heng mite hian firfiaka chet thawh tumin ruahmanna an siam nia sawi a ni.
Finance Minister chuan NIA te hmalakna chu a fak thu a sawi a, Computer leh Internet kaltlanga thu leh data inthawn velte lo zirchian phalna awm ta lo se, tuna NIA ten hlawhtlinna an chan ang hi an chang thei dawn lo a ni a ti.
Congress leh eptu party \henkhat chuan sorkarin a hnuaiah agency 10 te hetianga computer data leh internet kaihhnawih thilte zirchian phalna a pek hi an sawisel a, Congress President Rahul Gandhi chuan India mi tluklehdingawn 1 chuang zette chuan hruaitu Dictator thlamuang lo tak an nei tih an hriat chhuah phah dawn a ni tiin Twitter ah a ziak a ni.
