South China Sea ah Philippines leh China ten inremna nei – Philippines Defense Minister

0
381
views

South China Sea-a thliarkar te chu China-in awp a tum rih dawn lo niin Philippines Defense Minister, Delfin Lorenzana-a’n a sawi. Lorenzana hian an ram rorel khawl hotute hnenah, Foreign Affairs Secretary leh China thuneitute inrem dan chuan South China Sea-ah hian China hian thliarkar dang awp emaw, an awp sa-ah pawh engmah sak chhunzawm loh a tum thu a sawi a, hei hi ram pahnih inkara thawh dunna nghet zawk a awm theihna tura ruahman nia sawiin, China hian a thutiam hi a bawhchhiat chuan an ngai thutak hle dawn tih a sawi bawk. Philippines awp, Thitu thliarkar atanga km 5 chauha hla-ah Inrinni khan China lawng panga hmuh a ni a, Pathianni-ah pawh khan Philippines tuihnuailawng chu China sangha manna lawngte’n an lo dang tawh bawk a ni.