South Korea leh US Defence Minister ten thawhho zui dan tur an sawidun

0
725
views

North Korea hruaitu Kim Jong-un nena an inbiak hnuah Sourth Korea nena sipai nunchan an neih \hin tih tawp anih thu Donald Trump-a’n a puan hnuin South Korea leh US Defence Minister ten thawhho zui dan tur an sawidun.

US chuan Seol nena an thawhdunna chu nghet taka kalpui chhunzawm zel a ni tih sawi mahse sipai nunchan zirhona tih tawp anih tur thu Trump-a’n a puang hian mi tam tak a barakhaih a ni. South Korea ah hian US sipai 29000 an awm a, sipai nunchan zirin an hman hlel \hin a, Favang lo thleng leh tur khi hetianga US sipai leh South Korea sipai ten sipai nunchan an zirho leh hun tur nimahse, Donald Trump-a chuan sipai nunchan zirhona hi ramdang cho hmasakna anga a lan theih avangin tihtawp a ni dawn tih Singapore inbiaknaah khan a sawi a ni. South Korea Defence Minister Song Young-moo chuan US Defence Minister James Mattis a kawm a, hetah hian South Korea leh US in ram venhimna kawnga an thawh dunna chu tih chak leh zual zel nise an ti a ni. Hetihlai hian South Korea leh North Korea te pawhin an sipaite inbe tawn thei turin hma an la \an bawk.