Special CBI Court-in Lalu Prasad Yadav-a fapa leh imdangte thubuai siamsak an nih loh chhan tur sawifiah turin ti

Special CBI court-in vawiin khan RJD hruaitu, Lalu Prasad Yadav-a fapa, Bihar Dy. CM hlui, Tejashwi Yadav leh RJD hruaitu dang \henkhat chu court zah lohna thubuai siamsak an nih loh chhan tur sawifiah turin a ti a, he court hian ran chaw leina thubuaia thiam loh chantir tawh, Pu Lalu-a hrem a nih dan tur puan hun pawh a sawn hla a, Tejashwi leh mi dangte hi a ko a ni. Heng hruaitute hian Lalu-a chungchanga Special CBI court thuchhuak hi an sawisel nia sawi a ni a, anni erawh chuan engmah an sawisel lo niin an sawi thung a ni. CBI judge, Shiv Pal Singh chuan, Raghuvansh Prasad Singh, Shivanand Tiwari leh Lalu Prasad-a fapa, Tejashwi Yadav leh Congress hruaitu, Manish Tewari chu tun thla ni 23-a court-a inlan turin a ti a, hemi hma hian Pu Lalu-a leh mi dang 14 chu ran chaw leinaa cheng vbc. 950 vel tihchingpen nia sawi thubuaiah thiam loh chantir an ni a, mi dang 6 chu thiam chantir an ni.