Sumdawnna thila inbeihna kal zelah, US President Donald Trump-a’n China a\anga an thil lakluh zawng zawngah chhiah tihpun a inpeih thu a sawi.

US sorkar tarlan dan chuan kum 2017 chhung khan US-in China a\anga thil lakluh-na atan US Dollar tld 505 vel a seng a, China-in US a\anga a lakluh nen a inthlauhna hi US Dollar tld 376 a ni a, hei hi Trump chuan an ram tan channa nasa tak a ni a ti. Puan tawh angin US-in China a\anga a thil lakluh eng emaw zat ah chhiah a ti sang tawh a, China pawhin chhiah danglamna hmu let thei tur tawk vel hian US a\anga a thil lakluhah chhiah a ti sang ve tawh bawk a, sumdawnna hmanga indona hian zual lam a pan zel dawn niin mi thiamte chuan an sawi a, US thuneitute chuan US sum dinhmunin a tuar thei dawn nia an hriat thu te pawh an lo sawi tawh a ni.