US-in Ukraine hnenah tanpuina pawisa dollar mtd 200 a pe dawn.

Pentagon thupuangtute chuan \anpuina pawisa hi Ukraine sipai thuam \hatna tur a nih thu an sawi a, Russia thlawp hel pawlte beih letna atana an ruahman a nih thu an sawi bawk a ni. Ukraine chungchang hi thawh\anni lam khan Russia President Vladimir Putin chuan US President Donald Trump hnenah pawh a lo sawi tawh a, hma lak chhunzawm zel dan tur sawipuia a sawmna chu zirtawpni khan White House-in a lo hnawl tawh bawk a ni. Puan tawh angin Ukraine-ah hian hel pawlin kum 2014 khan zalenna an puang a, Ukraine sorkar chuan hel pawlte hi Russia-in a thlawp bakah sum leh ralthuamin a \anpui \hin niin a lo sawi tawh \hin a, Russia erawh chuan hei hi a pha a ni.