Syria leh Iraq rama IS mi firfiak pawlte laka beihpui thlak US President-in hlawhtling ti

0
487
views

US President Donald Trump chuan Syria leh Iraq rama IS mi firfiak pawlte laka an beihpui thlak mek chu a hlawhtling hle nia sawiin, IS awp ram, za-ah za an la let tep tawh a ti. Trump hian Davos, Switzerland-a World Economic Forum-ah he thu hi a sawi a, hlawhtling hle mahse, an dinhmun sawhnghet tura indona hmachhawn an la hmabak thu a sawi bawk a ni. He thu a sawi hma lawk hian Syria-a US kaihhruai tangrual pawl sipaite chuan Euphrates lui dunga beihpui an thlak mekah IS mi firfiak pawl 150 an kaphlum niin an sawi a, he beihpui thlakah hian Kurdish sipai, Syrian Democratic Force-te an tangkai hle niin an sawi bawk a ni.