Syria sorkar-in hel pawlte laka beihpui a thlakna kal zelah mi 50,000 chuang tlan chhe tawh

0
379
views

Syria hmarlam leh chhim lamah te sorkar-in hel pawlte laka beihpui thlakna kal zel avangin mi 50,000 chuangin himna zawngin an chenna an tlan chhiatsan tawh. Hmar lam Afrin khawpui leh a chhehvelah Turkey sipaie leh anmahni puituten beihpui an thlak avangin mi 30,000 chuang hmun him lamah an insaseng a, Ghouta bial, Damascus dai vela cheng mi 20,000 te pawh Syria sorkarin beihpui a thlakna avangin an tlan chhe tawh bawk a ni. Kum 7 chhung zet buaina avang hian mi maktaduai 12 velin an in lum tlan sanin hmun him lam an pan tawh a, an zinga maktaduai 6 chuang te chu ram chhung hmun him nia an hriatah an raltlan a, a bak maktaduai 6 leh nuai 6 vel chu ram pawnah an raltlang tawh a ni. Kum 2011-a president Bashar al-Assad laka helna a chhuah \an a\ang khan Syria ram ah hian chin hriat lova awm mi 4,00,000 vel zet an awm tawh a, an zinga a tam ber chu an thi tawh nia ngaih an ni.