Taiwan-ah neih inang te dan ang taka an inneih theihna tura mipui ngaihdan lakna referrandum buatsaih a ni a, hei hi a hlawhtling a nih chuan Taiwan ram chu Asia rama hetiang dan hmang hmasa ber a ni ang.

Taiwan ram court sang ber chuan neih inang inkawpte dan ang taka an inneih hi a thlawp a, hemi ti hlawhtling tur hian Parliament chu kum hnih chhunga dan dinglai siam\ha turin a ti a, hetihlai hian hapta hnih khat liamta chhunga mipui ngaihdan laknaah mipuite chuan he ruahmanna hi an hnawl dawn niin a lang thung. Taiwan Public Opinion Foundation in zirchianna an kalpuinaah mipui zaa 77 te chuan dan ang taka inneihna chu mipa leh hmeichhe karah chauh buatsaih tur a ni tih ngaihdan an nei a, hetihlai hian Sorkar chuan court thupek angin dan hi siam a ni ang tih a sawi thung a, hetiang boruak karah hian mahni anpui kawp \hinte chuan dan nep tak siam a ni ang tih an hlauhthawn thu an sawi ve bawk.