4th National Climate Assessment report-a tarlan danin sik leh sa inthlak danglam chak lutuk veng tura tun dinhmuna hmalak danin nakin hun zela US dinhmun tur a hril dawn a, sik leh sa inthlak danglam chho zel chu tun dinhmuna mihring hriselna leh dam khaw chhuahna tur te, sum leh pai deuh chhuah \han zelna tur te-a thil pawimawh ber a ni tih report ah chuan tarlan a ni. US scientist te chuan khawvel lum chho zel chu US pawhin a tuar mek tih an sawi a, rang taka hmalak anih loh chuan US in chhiatna nasa tak a tawk thei niin an sawi a, hetihlai hian White House chuan report hi a dik tawk lo niin a sawi ve thung. Khawvel sik leh sa inthlak danglam chho zel hi mihringte avanga thleng a ni tih chu khawvel mithiamte pawm dan a ni a, hetihlai hian US President Donald Trump-a chuan hei hi a pawm ve loh thu leh sik leh sa inthlak danglam dan zirchianga buaipuitute chuan thil tum dang, Political Agenda engemaw an nei nia a ngaih thu October thla khan a lo sawi tawh a ni.
