Kum 67 mi Najafi chuan Thawhlehni zan khan a nupui \hen tum mek, Mitra Ostad chuan an in\henna a pawm loh avangin a silaiin a vau a, silai an inchuhna lamah a kaphlum palh ta niin a sawi a, a inpuanna hi TV-a chhuah a ni. Tehran-a ukil Shady Sadr-i chuan inthahna hi dan bawhchhiat thubuai anga kalpui a ni lo tih a sawi a, silai pawh hi darkar 24 chhungin kim taka endik hman a nih theih loh thu leh hmanrua hi duh duh-in camera hmaa lekin an khawih thiang lo tih a sawi a ni.
Thuneitute’n thubuai an kalpui dan hian Iran mipuite mak tih a hlawh hle a, police te chuan Najafi chu khuallian ang maia enkawlin a kut hrensak a hnekin thingpui te an lo hlui lai an hmuh chuan a tithinrim zual hle niin an sawi a ni.
