Telangana in Nipah virus kai nia hriat dam lo pahnihte dinhmun chu vawiin khan uluk zawkin a endik a, thluak khawih chhe thei nipah hi a la darh lo niin Telangana sorkar chuan a sawi. Health Dept mi leh sa ten an zirchian hnuah Nipah Virus hi Kerala ah bak kai an la awm lo niin an sawi a, Karnataka-a he virus kai nia rinhlelhte pawh endik an nih hnuah natna dang vanga dam lo zawk an ni tih finfiah a ni. Nipah Virus chungchangah hian Health Ministry chuan thuchhuah siamin mipuite chu sava ei bang theirah ei lo tur leh thei tharlam chauh ei turin a chah a, he natna avanga mitthi te sawngbawl kawngah pawh sorkarin thurawn a pek te zawm tur leh hnam leh sakhaw tih dan diak diak zawm kim kher tum lo turin mipuite a chah a, Nipah virus chu bak, vawk, ui, sakawr leh ran \henkhatin mihringah an kai chhawn theih avangin fimkhur a \ul tih Health Ministry chuan a sawi.
Chanchin Thar Telangana in Nipah virus kai nia hriat dam lo pahnihte dinhmun endik...
