Khawvel puma Chhandamna Sipai Pawl hruaitu lu ber General 21-na atan Commissioner Brian Peddle thlan a ni

0
488
views

Khawvel puma Chhandamna Sipai Pawl hruaitu lu ber General 21-na atan Commissioner Brian Peddle thlan a ni.

International Headquarters a Chief of the Staff nilai, Commissioner Brian Peddle-a General atana thlantlin anih thu hi Ningazan India sana a dar 11:15 khan High Council President Commissioner Birgitte Brekke-Clifton chuan a puang a ni.

Commissioner Brian Peddle hi Mizoramah nikum khan a lo zin tawh a, Chief of The Staff zingah Mizoram a rawn zin hmasa ber a ni. Kum 1955 July ni 21 ah a piang a, tunah hian kum 63-na a hmang mek a, amah hi Canada mi a ni. Kum 1977 ah Officer atan Commission a ni. High Council 2018 hi tun thla ni 17 a\ang khan an \hukhawm \an a, General thlanna hian kar khat chhung a awh a ni. General thar Commissioner Brian Peddle hian General kalchhuak General André Cox hnen atangin August ni 3 zanlai a\ang khian mawhphurhna a la ang a, a nupui Commissioner Rosalie Peddle chuan World President of Womens’ Ministry nihna a chelh ve bawk ang. The Salvation Army hi khawvel ram 129-ah an awm a, member sipai Maktaduai 2 vel an awm a ni.