Thailand-a tleirawl football club player 12 leh an coach puk chhunga tang mekte la chhuak turin a rang thei bera chet a ngai tawh

Thailand-a tleirawl football club player 12 leh an coach puk chhunga tang mekte la chhuak turin a rang thei bera an chet a ngai tawh tih chhanchhuah hna thawktuten an sawi. Heng naupangte hi ni 10 puk chhungah an tang tawh a, Thailand Navy SEAL hotupa, Apakorn Yookongkaew chuan chhanchhuah hna thawk zing ami pakhat, Navy Seal sipai hlui a thih avangin an dinhmun a derthawng zel nia an ngaih thu a sawi a, naupangte leh an coach dinhmun pawh a hmaa an lo ngaihruat ang aiin, a derthawng hle tih a sawi bawk a ni. Thuneitute chuan naupangte hi tui hleuh thiam an nih hlawm loh avang leh puk chhung hi vahvel rem lo tak a nih vangin, kawng hrang hrang an dap nasa hle tih an sawi a, tun kar tawp lamah fur ruah a la sur chhunzawm rin a nih vangin, an dinhmun hi a manganthlak hle a, puk chhung hi tun aia tui a luh tam lehzual phei chuan thla li chhung vel chu naupangte hi an la tang thei hial dawn a ni.