Assam-ah Hindu puithiam pathum mipuiin chilhlum an tum laiin sipaiin an chhanchhuak

0
420
views

Assam-ah Hindu puithiam pathum mipuiin chilhlum an tum laiin sipaiin an chhanchhuak. Thuneitute chuan heng mi pathum-te hi Uttar Pradesh lam mi an ni tih an sawi a, Mahur khuaa lirtheia an chuan laiin mi \henkhatin lo tidingin an motor a\angin an pawt chhuak a, mipuite chuan naupang ruk chinga an puh vangin buaina a chhuak zui a, mahse mi \henkhatin sipai an lo hriattir hman a ni. Sipaite hian puithiam pakhat chu mipui kut a\angin an chhanchhuak a, puithiam pahnih-te hi an tlanchhiat-na lamah tualchhung miten an lo man ve leh a, mahse kutthlak lovin sipaite kutah an hlan ta zawk a ni. Sipai hotute chuan puithiam pathumte hi thu an zawhfiah hnuah police kutah an hlan nghal tih an sawi a, naupang ruk ching an ni loa an hriat thu an sawi a ni. Hetiang deuh bawk hian Haflong-ah khualzin pathum chu naupang ruk chinga puh an nih vangin kutthlak an tawk bawk a, mahse vanneihthlak takin an inthiarfihlim thei a ni.

Tunhnaiah social media-a thu dik tawk lo thehdarh vangin buaina a chhuak hnem hle a, mi 20 velin an thih phah tawh a, kar kalta lawk pawh khan Maharashtra Dhule hmunah mi 5 thah an ni a, heng mi te hian naupang rubo-in an taksa peng hralh atan an that \hin niin thlalak nen whatsapp-ah thehdarh a ni a, he thlalak hi kum 5 kalta-a Syria-a naupang thi te thlalak a ni tih hriatchhuah a ni tawh a, thla liamta khan Karbi Anglong-ah mi pahnih chu naupang ruk ching nia mi pakhatin a puh avangin thah an lo ni tawh bawk a ni.