Thla 9 vel kal ta chhung khan North Korea-in tum 15-ah missile 22 a kap chhuak tawh

0
519
views

Kumin February thla a\ang khan North Korea-in \um 15-ah missile 22 a kap chhuak tawh a, pahnih chu Japan ram thlawh kh<ma kah a ni. Hei hi US leh a thurualpuite chuan an duh lo hle a, US President, Donald Trump-a chuan tun hnaia North Korea thil tih dan a\angin ngaihdan danga a nei tawh tih sawiin, North Korea chungah hian engemaw tak chu tih loh theih a ni tawh lo niin a sawi. President Trump-a chuan, mi dang ngaihtuah dan ang lo deuhin thil a ngaihtuah mai thei tih sawiin, heti chung hian mi dang thusawi chu a ngaihthlaksak vek niin a sawi a, Canada PM, Justine Trudeau-a nena nimina Oval Office-a an inkawm hnua thuthar lakhawmtute an kawm dunnaah he thu hi sawiin, a tawpkhawkah chuan United States leh khawvel pum tana thil \ha ber tur nia a ngaih chu a ti mai dawn niin a sawi a, North Korea khawsak dan hi America chauh ni lo, khawvel pum tan a hnawksak tawh avangin chin fel ngei a ngai tawh niin a sawi. Hemi hnu, nizan khan President Trump-a chuan, North Korea chungchangah hian engemaw tak chu tih loh theih a ni tawh lo tih Fox News a hrilh a, kum 25 emaw daih a\anga he thil hi lo in\an tawh a nih avang leh, President Barack Obama thleng khan an lo hmeh mih si loh avangin, a khirh hle tawh nia sawiin, tunah chuan hmeh mih ngei ngei a \ul tawh niin a sawi.