Fakselna (11th October, 2017)

0
469
views

Kan kawngpuia tui luang hi kan PWD hian an ngaimawh vak lo niin a lang, Zohnuai Site office-a an tui hman dan a\ang hian. Tin, an tui luankawr (drain) siam ho hi a man a tam hlawm tehreng, nen enkawl zui hi an tum lo ang hle, kan kawng chhiatna chhan bul ber a ni. An hre tho chuan ka ring, \hal laia tui luankawr tifai lovin fur lai hian tifai zawk se, kan kawng hian a \hatpui ngei ang le.
Mr. Billy
————–

ZPM-te \ang fan fan ru. Pathian ruata in inngai a nih chuan Pathian duh dan kalh, mahni insawi mawi leh mi dang sawiselna hmui bawlhhlawh, inngaitlawm chapo chunga thil ti lo turin fimkhur takin aw. Tling inti si lova, tling zawka inhria, mi tlin lohna tlangaupui chiam chiamte, fel bik vang inti si lova, mi dang fel lova ruat chiam chiamte, nihna chak anga lan hreh, nihna chak hle si hi inngaitlawm chapo chu a ni.
VL Pachuau
—————–

Ruling lo sorkar tawh \hinte hian sorkarna an han \an chiah hian nasa takin mipui lam aiin an party an hmangaihin an mit men a zau viau \hin a, mipui lamah erawh an mit an meng zim leh thung. An sorkar hun a tawp dawn hnaihin mipui beng hriat tura an tih dik loh ngaihdam dil fo \hin leh meng zim leh sui \hintute hi an khamawm hlein a hriat. Hawh u, mipuite u, kan zalenna, kan dikna leh kan chanvo hi fimkhur tak leh huaisen takin i hmang ngam ang u. He kan ram, kan hnam, khawtlang leh chhungkua siam \ha tur leh tung ding thei tur hi kan va mamawh tak che u em!
Ms Citizen, Aizawl
——————

Tuna Mizoram sorkar kan hrawn mek hi awm lo/bang sela harsatna chi hrang hrang kawng chhia, hlawh lak theih loh etc. hi chu a reh mai ang.
Thlirtu
—————–

Mi rethei kan VIP titute ration buhfai mawlh mai hi a va chhiain sehrep a va tam em em ve! Opposition-te kha han \ang leh se kan va ti ve.
Sehrepninga
———-

Inchhal, inchaltauh, inpuhmawh reng mai ram hruaitu, an sorkar laia ti \ha duh chuang hauh si lo pahnihteah hian Zoram mipuite hian rinna kan nghat leh ngam dawn em ni? Ram hruaitu \ha leh thiam kan va mamawh em. |halaite vahvaihna ram, Power, ei leh bara hnufual ber state-ah min chhuah ta ringawt mai a nih hi. Mipuite kan \han harh loh chuan kan hma chu a va thim dawn tak em.
Dingpuii & Zodini
————

Fakselna hi Chanchin thar langsar zual dar 6 zawh hian chhunzawm theih se a va \ha ve. Dar 6:30-ah DDK News en duh bawk si chuan a inrual tlat mai si a, sawn theih se a va \ha ve Pu ZONET? Tin, fakna channel hi awm tawp mai se a \ha mai bawk lo maw? Vanglaini phek tawpah pawh kan chhiar mawlh mawlh mai a nih hi mawle.
Dindini pu
———–

Mizoram mipui tam ber 75% “Kut hnathawktute hnen thleng phak” tih thu aupui \hintute hian la aupui zel ngam tak maw? Kum 1987 a\ang tawh khan MLA inthlan dawn apianga au hla a ni. Mahsela, kut hnathawka ei zawngtute hnen an thlentir dan erawh development a tling lo. Heng kan ram hruaitu kan tih \hinte hian ram mipui tam ber chu sawi loh, a thlang tlingtute takngial hnenah pawh engmah an ti thei lo. Khang kan MLA te tho kha tuna MLA atana kan la neih mek leh MLA nih leh tuma phe phe hote hi anni. Kan sel a ni ngawt lo, kut hnathawktute tana Project pakhat pawh puah (process) reng reng lo an ni tlat a. Hetiang vei pha hi an awm leh dawn chuang si lova, MLA thlan hrim hrim hi a tuiawm lem lo khawp mai. Damdawi mum uk ang maiin eng ang pawh aupui mahsela a ngai bawk an ni e.
PH FANAI
————–

Kan rama ram dang mi, Bangladesh a\anga lo lut ru ngaimawh nachang hria sawrkar \ha leh kan ram hmangaihtu leh a nachang hria kan ram hian a mamawh tawh hle mai. Ngawl kan veina a\ang hian i intiharh hram hram ang u.
Tlabung aw
————-

Ka duhthu ka’n sam ve teh ang. Keini Siaha District a\ang hian term tinah Congress kan thlang tling \hin a, Minister-te hial pawh kan lo neih ve tawh a, mahse kan MLA-te hian an fund-te hi kan Mara ram tana an hmanna hmuh tur a awm lo. Tun term-ah hian MNF MLA kan thlang tling ve a, MLA fund hi Mara ramah hian a hman dan chu sawi ngai lovin kan hria. Congress-in term 2 an thawh aiin kan ram tan hna a thawk \ha zawkin a lang.
Ram Hmangaihtu
NVTS
——————-

Mizote min run mektu HIV(AIDS) leh ZU, RUIHHLO tibo tur hian sorkar chak leh huaisen kan mamawh. Heng hi a bo hunah chuan Zoram hi vanram tlafual, Lei Paradise a ni tawh ang.
Malsawma pa
——————–

Kam ram hruaitu, Pu Hawla \awngkam leh khawsa zia han en hian bei a tidawng mang e. Hman ni lawka an party mi an nih loh chuan lainate ngei pawh enga tan mah a tih loh thu a sawi hnu lawkah, ‘politics hi induhsakna tur a ni lo’ tiin hniak phawi miah lovin an sawi leh mai a. Zoram mipuite hi bawl tawk lek emaw kan nih le! Pu Zorama lah a sorkar laia a \awngkam leh a thiltih \ha lovin a la umzui zel mai zawng a nih hi. Hetiang mite ai chuanZPM-ah ngei hian beiseina thar nen Zoram mipuite hian hma i la ho ang u hmiang.
Jonathana Pu
—————–

Kan Zoram te reuh hian eng project-ject ah emaw hma la \ha leh thawk \ha lawmman a dawng/la tih thawm hi kan hre ve leh zauh \hin a. Kei mimawl hi ka lo bangbo deuh tlat zel nia maw le. Kan sorkar hrawn tawh te hi plan leh project a nih dan tur anga kalpui ching tak ni vek hian ka hmu mai a. State hrang hrangte han hmuha han bihchian deuh hian kan sawngnawi lulai em mai. Fel famkim chu a har deuh pawh a ni ang, keini ve zawng kan sawmbal lulai deuh a ni. A sawia sawi ringawt chu kan thiam phian lawi si.
8414883986
——————-

Pu Hawla chu a kal dan kan hre mek a, Pu Rama pawh kum sawm chhung a lal tawh a, VISION tih bak sawi tur a nei si lo. ZPM hi i en chhin tawh mai ang u. An pawla inpek kher a ngai lo vote a tawk mai.
Lalnuni
———

FK Tuidawt faknaa Tuium ti ziahtu hian Mizo \awng hi a va zah lo ve.TUIUM leh Tuidawt a hre hrang lo em ni?
ZOVA Kolasib
9612691391
——————-

Pu Hawla hian CBI chu a ko lut dawn tak tak ta em? Kan lo thlir reng a nia. Thu dik hriat ber pawh hriat a va har tawh tak em. Kan ram hruaitute lah insawisel reng rengin an awm a, Zoram mipuite hian thu dik hriat hi kan va chak tawh tak em.
Thenzawl pa
——————-

YMA hruaitu thlan a hun leh dawn tain a lang a, ven thawn tur nei lo ram leh hnam tan hma la ngam tur ngaihtuahin kan ram leh hnam tana inpe ngam thlang ang u. Kan vela hnam dangten min velh fo tawh loh nan.
Veitua
——————–

Tun inthlan kan hmabaka intawktarh tum |angrual pawl intite hi \ha tih ve ka lo tum viau a, mahse ZNP leh MPC te inrawlh hian beisei an ti bo ka ti. An hun kal tawh a dawn kir loh theih si loh a. Vote lo mai tange.
Bawiha pu, Ruling party
——————

Motor dang zawng zawng thla khatah vawi thum an din laia, Taxi te thla khatah vawi riat an ding chhunzawm zel hi enge a awmzia? Thla khata vawi thum ding pawhin hrehawm an tihzia ngaihtuah hian nitin eizawnna atana hmangte dinhmun hi chu a na ngawt ang. Nakkum lawkah heng inngaihnep em em te puihna hi in la mamawh ve ngei ang.
9862818415
——————-

Mizoram BJP ho hi an hruaitute chuan zir deuh se chuan an pun chak ka ring deuh. An President ber lah hian party hi a vei der si lo. MNF a sel ve ziah nachhan hi eng tak ni ang maw?
9612608505
——————-

Kan CM hian NLUP hi a tuipui tak tak em le? Kan khua Zawlpuiah chuan sorkar thupeka VCP hmasain NLUP ram a pek \henkhat, World Bank Road-in a paltlang tur lai ramte te chu tuna VC te hian VC pass back date a siam chawpin Lungleiah Revenue Deptt.-ah Pass siamin pawisa siam nan an hralh hmiah hmiah mai. NLUP hmanga rethei chhanchhuah tih vel hi chu sawi tawh lo se, NEDP pawh hi sawi tawh lo hram teh se.
Zawlpui Pa
——————-

Aizawl City Traffic Management Committee-in “Motor intlan chhawk tir” a ti hi a \ha hle mai. Hei hian Traffic Jam chu a tiziaawm hle a ni. Hetihrual hian Bawngkawn leh Durtlang Leitan inkara kawng bula in sa, mipui zah miah lova an bungrua Balu, Rora, Cubic lung leh adt. kawngpui sira dah hnawktute hi he kawnga ni tin kalte tan hian a NINAWM khawp mai. Hei hi Road Protection Squad-te hian a rang thei ang berin hma min laksak se kan va duh em!

Lalremruata pa, Leitan
———————