Thlipui Lidia-in Mexico nuai

0
431
views

Thlipui na tak, Lidia tia vuahin Mexico rama Baja California leh a chhehvel a nuai a, he thlipui avang hian in chhawng leh chenna in engemawzat a chhia a, mi 4 vel an thi a ni. Baja California thuneitute chuan Lidia avanga chhiatna thlenga thite hi electric-in a man hlum leh tuia tla hlum an ni tih an sawi a, he thlipui siper hian Mexico vaukam leh he ram khawpui, Mexico City chu Nilaini atang khan a nuai tawh a, nimin zing khan Mexico khawmualah a thawk tan a ni. Lidia thlipui hi darkar khata km 95 vela chakin a thawk a, Baja California a chhuahsan hmain ruah, cm 15 atanga cm 30 vel a sur rin a ni bawk a, hmun thenkhatah phei chuan ruah hi cm 50 vel a tlin rin a ni.