US hmeithai kum 93 miin Germany-a sahuan tanpuina tur US Dollar mtd. 22 pe

0
733
views

United States-a hmeithai, kum 93 mi, chuan Germany rama Cologne sahuan tanpui nan US dollar mtd. 22 a pe a, Cologne hi Indopui pahnih lai khan a pasal nena an intawn hmasakna khua a ni tih sawiin, he khua hi an hre reng thin niin Elizabeth Reichert-i hian Philadelphia-a a chenna inah a sawi a ni. A pasal, Juda mi, Arnulf Reichert-a nen Cologne khawpui thlang lamah hian an sei lian a, kum 1944 khan, Nazi ho hlauva Arnulf-a a bihruk laiin an intawng ta a, indopui tawp hnu kum khatah an innei ta a ni. Hemi hnu hian Israel ramah rei vak lo an khawsa a, America ramah an awm hlen ta a ni. Reichert-i chuan sam siamtu a nih thu leh, a pasal chu ran leh an mamawh thilte zuar a nih thu sawiin, a hnuah sumdawnna dang dinin an lo hmuingil ta hle niin a sawi a, kum 1998-a a pasal a sun hma lawk khan, an thih hnuah chuan an pawisa hi Cologne sahuan tanpui nana pek an remti niin a sawi bawk. He mite nupa hian fa an nei lo a ni. He pawisa, US dollar mtd. 22 hi Pi Reichert-i thih hunah he sahuan kutah hian a lut thin ang a, kum tin, engemawzat an dawng ziah dawn a ni.