Tibet-a Siang lui lu lamah leimin vanga tui nasa taka a inkhuap avangin tui lian thei laka inralring turin Assam leh Arunachal Pradesh hriattir an ni.

0
446
views

 

China Emergency Information Sharing Mechanism-in lei min chungchang leh tui inkhuap thu hi India thuneitute an hriattir a, External Affairs Minister Sushma Swaraj chuan state pahnih CM-te hi biain mipuite himna ngaihtuah hmasa ber turin a ti a ni. Arunachal Pradesh thuneitute pawhin Siang lui hian zirtawpni zan khan hlauhawm chin chhinchhiahna a pel tawh tih an sawi a, mipuite pawh inralring tur hian an hriattir tawh tih an sawi bawk a ni. Assam CM Sarbananda Sonowal pawhin District thuneitute hnenah inralring tura hriattirna hi an thlen tawh thu leh chhiatna lian tham pumpelh dan zawng turin a tih thu te leh Kolkata lam a\angin National Disaster Response Force team paruk an chah tawh thu a sawi ve bawk a ni.