Zalen chanchinbu leh Lynchpin \angkawp buatsaih Edufest vawi 16-na chu vawiin khan Assembly Annex basement-ah \an a ni a. A hawngtu MJA President, Pu Zonunsanga Khiangte chuan, Edufest kaltlanga Mizo zirlai \hahnem takin senso tlem zawka zirna in \ha tak taka seat an hmu \hin chu thil lawmawm tak a ni, a ti a. Tun \umah pawh zirlai leh thalaiten an chhawr tangkai ngei a beisei tih a sawi. Edufest-ah hian ram chhung leh pawna zirna in leh Bank 18 an inpho a, zirna in zingah Singapore a\angin zirna in pahnih leh Canada a\angin pakhat an tel a, hetah hian zirna kaihhnawih thil hrang hrang zawhfiah theih a nih bakah a hmunah Admission tih nghal theih a ni. Edufest hi naktukah a hmun ngaiah chhunzawm a ni dawn a, chawhma dar 11 a\anga tlai dar thleng a duh a piang tan tlawh theih a ni.
