Trinamool Cngress MLA Satyajit Biswas thah thuah West Bengal Police te’n BJP hotulu Mukul Roy lakah FIR an ziaklut

0
558
views

Nadia district-a Krishnagunj, Jalpaiguri hmunah Trinamool MLA Satyajit Biswas hi nimin khan Phulbari-a Saraswati Puja a chhim lai kahhlum a ni a, West Bengal Police-te chuan kum 2017-a TMC chhuahsan-a BJP hotulu ni ta Mukul Roy-a lakah FIR an ziaklut a, rinhlelh kai mi dang pahnih man an ni bawk a, he tualthahna kaihhnawihah hian Hanskhali Police Station-a Officer-in-Charge chu a hna a\anga thawlh tir nghal a ni.

TMC District President Gauri Shankar Dutta chuan Biswas hian BJP candidate vawi hnih lai a lo hneh tawh avangin BJP te hian Biswas-a hi an hua niin a sawi a, Biswas hi Mukul Roy leh Soumitra Thakur te’n “Matua”, Bengal chhunga Hindu pawl te vote hui tuma an beihnaah dodaltu lian ber a nih avangin Roy hian \awngkam pawhin a lo bei tawh \hin niin a sawi a, a thihnaah hian mawh a phur ngei nia sawiin, dan anga hremna a hmuh ngei theihnan theihtawp an chhuah tur thu a sawi bawk a ni.

TMC te puhna hi phain BJP state President Dilip Ghosh chuan TMC pawl chhunga inphiarrukna avanga he thil hi thleng a nih thu a sawi ve thung a, TMC mi an thih apianga BJP puh an nih \hin thu sawiin Mamata Banerjee chu state chhuga dan kengkawh \ha tawk loah a puh thung a ni.