Tripura-a buaina chhuakah TRUGP member 130 vel hliam

0
665
views

Tripura-a buaina chhuakah rorel lai, CPI(M) hnuaia pawl pakhat, Tripura Rajya Upajati Ganamukti Parishad member 130 vel an hliam a, an zinga 11 chu an dinhmun a \ha lo hle nia hriat a ni. TRUGP President sawi danin, he state-a hmun hrang hrang 12 velah, Agartala-a vantlang inkhawm chhim tura kal, TRUGP member-te chu tribal pawl pakhat, Indigenous People’s Front of Tripura miten an lo bei a, IPFT mite hian TRUGP member-te chuanna bus pahnih vel an hal a, West Tripura district-a Champak Nagar, Tulasikhar leh Champahaour-ah phei chuan police-ten tiang hmangin buaina siamtute hi an hnawt darh a ni. Tharum thawhna thleng avang hian district thuneitute chuan West Tripura leh Khowai district-a hmun 10 velah khuahkhirhna thupek an chhuah a ni. IPFT leh Twipraland State Party-te chuan Tripura Tribal Areas Autonomous District Council chu tribal-te tana state hrana siam ngiatin, he thil avang hian buaina an siam fova, Agartala-a vantlang inkhawmah hian state CM, Manik Sarkar, party President leh Lok Sabha member, Jitendra Chowdury leh party hruaitu dangten thu an sawi a ni.