Madras High Court-in Tamil Nadu Assembly-a state sorkar dinhmuh fiah rih lohna tur thupek siam, by-election neih rem ti lo

0
473
views

Madras High Court-in Tamil Nadu Assembly-a state sorkar dinhmuh fiah rih lohna tur thup>k a siam a, tun hnaia ban t^k, AIADMK MLA 18 te hmun ruak hnawh khahna atana inthlan pawh buatsaih a remti lo. AIADMK MLA ban t^k 18 zinga 8-in ban an nih dan hi dan kalh nia sawiin, High Court-ah hian an thlen a, Justice M. Duraiswamy chuan TTV Dhinakaran-a thlawptu, heng MLA te thu thlen hi a ngaihtuah a, MLA te hian pawl danga pakai khapna dan, anti-defection law tlawh chhana Speaker-in a banna thup>k chu hnawl an dil a ni. Puan tawh angin, J. Jayalalithaa-i thih hnua harsatna tawk ta, AIADMK pawl pahnih chu state CM, K. Palaniswami leh Dy. CM, O. Panneerselvam-a hnuaiah an inchhun fin leh a, TTV Dhinakaran-a leh a ni, Sasikala chu hnawl an ni. MLA 18 ban an nih hnuah hian member 234 awmna House-ah member 215 chauh an awm ta a, sorkar fiah a nih pawhin MLA 108 chauh an mamawh a, mahse court-in sorkar hi fiah a remti ta rih lo a ni. Nimin khan Madras High Court hian TTV Dhinakaran-a hi man lohna tur thup>k a siam bawk a, state CM thlawptu, AIADMK MP pakhatin a lakah intih hmingchhiatna thubuai thehl<t mah se, man rih loh turin a ti a ni.