TTV Dinakaran leh AIADMK party mi eng emaw zat thubuai siam sak

0
324
views

Sorkar laipui leh Tamil Nadu sorkar sawiselna thuziak thehdarh avangin TTV Dinakaran-a leh AIADMK party mi eng emaw zat thubuai siamsak an ni. Nimin khan Salem district chhung hmun hrang hrangah he thuziak hi Sasikala leh Dinakaran-a thlawptuten an theh darh tih police te chuan an sawi a, an thu theh darhah hian state sorkar chu a tlukchhiat mek thu leh rorel lai party hruaitute sawiselna te leh an party hruaitu atan Dinakaran a \hat ber thu te leh AIADMK party chhinchhiahna, hnahthel pahnih lem, Election Commission-in hman a phal rih loh thu pawh a tel tih an sawi. Police-te chuan he lehkha thehdarhtute thubuai an siamsak hnuah hian, heng hi Dinakaran-a ruahman nia an hriat avangin, amah pawh hi thubuai siamsak a nih thu an sawi bawk. Puan tawh angin Election Commission chuan AIADMK party chhinchhiahna, inchuh lai a nih avanga hman a lo phal loh tawh chungchang hi tun thla ni 6 hian a ngaihtuah leh dawn a ni.