SOHR sawi danin Turkey hian a khalhtu awm lo, indo thlawhna Drone hmangin lirthei tam tak inzui sipaite chuanna hi a bei a, Pathianni khan Syria indo thlawhna pahnih chu Turky hian a lo kap thla tawh bawk.
Syria sorkar puitu ber, Russia chuan Syria ram chin boruakah Turkey thlawhna te an him leh him lohah mawh a phur lo tih a sawi a, indo thlawhna hmanga hapta liamtaa inbeihnaah Turkey sipai 33 an thih avangin Idlib-ah hian boruak a \ang hle a, sipaite inbeih tawnna thleng chho zel hian Turkey leh Russia thlawp Syria te chu nasa taka an inbeih mai a hlauhthawnawm hle a ni.
Russia thlawp, Syria sipaite hian Idlib bial hi laklet an tum a, helai hmun hi Turkey in a thlawp hel pawl ten an awp lai a ni.
