Turkey-in Syria hmar lamah Kurdish bei zui zel

0
538
views

Turkey chuan Syria hmar lam Afrin bialah sipai chakna hmangin Kurdish te a bei zui zel a, lei sipaite chuan Afrin bial hi an nawr zel tih sipai thupuangtu chuan a sawi. Turkey sipaite hian laipui leh thlawhna hmangin Inrinni khan U.S. in a thlawp, Kurdish te hi a ramri hnaih atanga nawr chhuah tumin a lo bei tawh a. Kurdish YPG sipaite hi United States chuan a tanpui laiin, Turkey hian mifirfiak pawlah a ngai thung a ni. Turkey Sorkarin “Operation Olive Branch” tia a vuah he beihpui thlakna hi ruahman ang takin a kaltluang niin Turkey sipai thupuangtu chuan a sawi a. Prime Minister Binali Yildirim chuan he beihpui thlakna hian hmun him “safe zone” kilometre 30 a siam dawn a ni a ti a. Turkey President Recep Tayyip Erdogan chuan Afrin biala beihpui an thlak hi an zawhfel hnuah hmar lam khaw pakhat Manbij lam an nawr leh dawn tih a sawi a. Manbij hi US in a thlawp, Kurdish sipaiten kum 2016-a ISIS hel pawl lak atanga an lo lak tawh kha a ni.