Kumina thlipui chak ber nia sawi, Typhoon Noru chuan Japan ram a la nuai zel a, mi 2 an thi tawh a, hmun thenkhatah chuan thla khat ruah an dawn thin aia tam ni khatah an dawng nia sawi a ni. Khawchin lam mi thiamte chuan Typhoon Noru hi thli tleh chak zawng tehna-ah a tlahniam sawt tawh hle na-in, a kal muan avangin ruah sur hi a tam zual tih an sawi a, Japan thliarkar zinga a te ber, Shikoku-ah chuan vawiin khan darkar khat chhungin ruah hi inches 2.1 a tam a sur tih an sawi bawk a ni. Typhoon Noru hian Japan khawpui Tokyo pawh naktuk lam hian a nuai dawn nia hriat a ni a, a chak zawng hi a la tlakhniam belh leh rin a ni bawk a, darkar 24 chhungin ruah hi inches 20 vela tamin a sur rin a ni bawk.
Chanchin Thar Typhoon Noru-in Japan ram nuai zel
