Pawl 1 leh pawl 8 zirlaite yoga zirtir tura ngenna Supreme Court-in hnawl

0
467
views

Rampuma pawl 1 leh pawl 8 zirlaite yoga zirtir ngei ngei tura ngenna Supreme Court-in a hnawl. Court thuneihna sang ber chuan Delhi BJP thupuangtu leh ukil, Ashwini Kumar Upadhyay-a ngenna chu an thuneihna piah lam a nih bakah zirna ina zirtirna pek chungchangah sawi tur an nei lo tiin an chhang a, thutlukna pawh sorkar thuneitute siam tur a ni a ti bawk. A ngenna thehluhah hian Upadhyay-a chuan Ministry of Human Resources Development bakah, NCERT, NCTE leh CBSE te chu hriselna chungchanga inzirtirna leh yoga zirlai bute duang tura a duh bakah naupangte hnena hetiang zirtirna pek chu sorkar mawhphurhna niin a sawi a, hei hi nunna, thiamna leh intluktlanna kawnga ram danpui nen pawh a inzulzui hle niin a sawi bawk a ni.